Ministrit serb të Punëve të Brendshme, Ivica Daçiq, duket se i kanë pëlqyer shumë xhipi dhe armët e dy policëve kufitarë të Kosovës, që u arrestuan nga xhandarmëria serbe më 31 mars në fshatin Dumnicë të Podujevës, afër kufirit me Serbinë. Daçiq ende është duke i mbajtur veturën e Policisë të tipit “Land Rover”, dy pushkët automatike, dy revolet, e pajisjet tjera, të cilat po i bartnin dy policët kufitarë, Shukri Binaku dhe Sami Beqiri, ditën e arrestimit.
Ministri serb ka liruar dy policët kufitarë në fillim të javës që shkoi, më 3 prill, por nuk ka dhënë ndonjë shenjë se këtë do ta bëjë edhe me xhipin dhe gjërat tjera që po bartnin policët. Pas lirimit ata kishin me vete vetëm uniformën e tyre.
Një burim brenda Policisë së Kosovës ka thënë për “Kohën Ditore” se të dy policët kufitarë të Kosovës po patrullonin me xhipin “Land Rover” (donacion nga Komisioni Evropian), para se të arrestoheshin. /indeksonline/
Qeveria i ka dy javë për shtrirje në veri
Ministrit të Brendshëm, Bajram Rexhepi, i janë dhënë dy javë kohë për të dëshmuar se është duke e përmbushur misionin për vendosjen e rendit dhe të kushtetutshmërisë në tërë hapësirën shtetërore. Këtë mision bashkë më një varg detyrash të tjera atij ia kanë ngarkuar anëtarët e Komisionit për Punë të Brendshme, i cili është mbledhur të premten për ta shqyrtuar gjendjen e sigurisë në vend, pas vrasjes dhe incidenteve të fundit në pjesën veriore të Mitrovicës. Pavarësisht situatës së ndejshme dhe specifikave që ka shteti, anëtarët e këtij komisioni kanë kërkuar nga MPB-ja dhe Policia e Kosovës që ta bëjnë vlerësimin gjithëpërfshirës të situatës së sigurisë dhe të veprojnë konform situatës së krijuar duke përdorur të gjitha mjetet kushtetuese dhe ligjore. Mekanizmave politikë dhe ekzekutivë të sigurisë, mbikëqyrësit parlamentarë u kanë rekomanduar që t’i ndërmarrin të gjitha masat e nevojshme për të mbrojtur qytetarët të cilët mund t’u nënshtrohen kërcënimeve ose veprimeve diskriminuese, armiqësisë a dhunës, si rrjedhojë e identitetit të tyre kombëtar, etnik, kulturor, gjuhësor ose fetar. Për t’u përmbushur ky mision MPB-së i është sugjeruar që të bashkëpunojë dhe të koordinohet me mekanizmat e tjerë që janë përgjegjës për sigurinë në Kosovë.
4/12/12
Mitrovicë, shqiptarët gati për vetëmbrojtje
Gjatë vëzhgimit të Top Channel nëpër lagjet veriore të banuara me shqiptarë, takuam banorë të cilët teksa po flisnin për situatën e vështirë, treguan përgatitjet e tyre.
Qytetarë të thjeshtë të cilët bashkë me familjet e tyre jetojnë në zonat e thella të Veriut të Mitrovicës. Ata flasin për mënyrën se si e kanë kuptuar mesazhin e kryetarit Kastrati, ndërkohë që japin edhe mesazhet e tyre për institucionet e Kosovës.
Një nga arsyet pse
banorët shqiptarë të veriut të Mitrovicës nuk duan të shfaqen përpara kamerës, është frika e konfiskimit të armëve nga Policia e Kosovës. Kjo në fakt është denoncuar në takimin që përfaqësuesit e lagjeve veriore patën një ditë më parë me kryetarin Kastrati.
E gjithë kjo situatë vjen vetëm pak ditë pas vrasjes së Selver Haradinajt në shtëpinë e tij. Në mungesë të rrugëdaljes dhe mesazheve që u përçohen, shqiptarët kanë hartuar strategjitë e tyre të veprimit kundër institucioneve të Serbisë në këtë pjesë.
4/11/12
Facebook në prag të shpenzimit të një miliardë dollarëve për të blerë Instagram
Facebook është në prag të shpenzimit të një miliardë dollarëve për të blerë kompaninë për shpërndarjen e fotografive, Instagram.
Kjo do të përbënte blerjen më të madhe nga ana e rrjetit social.
Instagram ua mundëson njerëzve shëprndarjen e fotografive të bëra më telefonat celularë.
Në pak më shumë sesa një vit, Instagram ka tërhequr më shumë se 30 milionë përdorues.
Apple e ka përzgjedhur atë si aplikacionin e vitit për iPhone në vitin 2011.
4/10/12
Zbulohet ilaçi kundët kancerit?
Një mjekim në gjendje që të shkatërrojë një molekulë që gjendet në 90% të tumoreve është testuar për herë të parë me rezultate shumë shpresëdhënëse mbi njerëzit, u bë e njohur të hënën.
Rezultatet paraprake, të fokusuara mbi leuçeminë, të njohur në mënyrë popullore si kanceri në gjak, treguan se pas marrjes së vaksinës, personat e paprekur tregojnë një rritje të imunitetit ndaj sëmundjes vdekjeprurëse.
Tre nga shtatë pacientët e prekur nga leuçemia u shëruan plotësisht ndërsa në katër të tjerët, sëmundja tregoi shenja të qarta ngadalësimi, pasi iu nënshtrua një trajtimi lehtësisht të ndryshëm.
Vaksina synon të formojë në trupin e njeriut antitrupa në gjendje që të shkatërrojnë që në fillim qelizat kancerogjene, ndërsa trajtimi pas prekjes fokusohet tek molekula e konsideruar si një “hallkë e dobët” në strukturën e sëmundjes përgjegjëse për numrin më të madh të vdekjeve në botë, pas aksidenteve dhe sëmundjeve kardiovaskulare.
Sipas kërkuesve, trajtimi mund të jetë veçanërisht i efektshëm në tumoret e gjirit, prostatit, pankreasit dhe në disa lloje të ndryshme kancerash.
Nëse gjithçka do të shkojë mirë, vaksina, e cila quhet “ImMucin”, mund të hidhet në treg duke nisur nga viti 2020.
Ajo është duke u zhvilluar nga kompania “Vaxil Biotheraputics”, në bashkëpunim me Universitetin e Tel Avivit, në Izrael
.
.
Subscribe to:
Posts (Atom)